بعد عنا ناس تحمل قضايا؟

بلاد البترون
بلديات ومخاتير ٢٠٢٥

كتب فادي مطر – تنورين
لا دولة
لا حزب
لا بلدية
بيقدرو يردوا ضيعة.
ل بيرد ضيعة وتجمع ضيع هو روح رسولية ما بتنوجد الا بالكنيسة.
اذا نفقدت من الكنيسة، ما بتلاقيها مطرح تاني.
الناس بس تشوف هيك مبادرة ومشروع بتبادر.
الضيعة ما بيحيوها متقاعدين
اللي بيحيي الضيعة الانتاج.
في مبادرة بدا تبلش من مطرح.
مدرسة مجانية محترمة بدا تقوم
مستوصف متطور بدو ينوجد
التمويل: ولاد الضيعة بالخارج مش عميبخلوا فيه.
يفكروا بتعاونية محلية جامعة لكل اهل الضيعة اللي هون، تدير معمل او تنين كبداية، تأمن فرص عمل برواتب شهرية بالاضافة للمشاركة بالارباح، كون المشروع تعاوني.
تإمين الحاجات الضرورية اساسي، وبإطار التعاونية ذاتا، ينفتح كاراج ميكانيكي متطور، مع محل بيع قطع واسع يجذب الو الضيعة والمحيط.
كلو بدو يتأسس على روح رسولية متطوعة بالبداية.
اذا ما نوجدت بالكنيسة، عبث التفتيش.
اساس الوجود المسيحي بجبل لبنان الجنوبي هني دير مجد المعوش، ودير مشموشة، ودير المخلص.
هيدي قضية مقدسة.
بعد عنا ناس تحمل قضايا؟؟؟؟